Alle oppskriftene
Pasta i kremet tomatsaus med kyllingskiver og basilikum på ein tretallerken

Oppskrift

Pasta alla vodka med Stavsfjell 2 år

Denne serverte me på ost- og vinsmakinga i Rauland. Stavsfjell lagra i to år gjer same jobben som parmesan i sausen, med litt meir nøtt og karamell i smaken. Retten kan lagast utan vodka òg, men vodkaen fremjar smakane.

Til
4 personar
Tid
30 minutt

Ingrediensar

  • 400 g pasta, gjerne penne
  • 400 g kyllingfilet
  • 2 kvitlauksfedd, hakka
  • ½ ts chiliflak
  • 1 dl vodka (valfritt)
  • 4 ss tomatpuré
  • 3 til 4 dl fløyte
  • 2 dl Stavsfjell 24 månader, riven
  • 1 bunt fersk persille eller basilikum
  • Salt og pepar

Slik gjer du

  1. Steik kyllingen i litt olje i ei panne på middels høg varme til han er gjennomsteikt og gyllen. Ta han ut og skjer i skiver.
  2. Fres kvitlauk og chiliflak i den same panna i eitt minutt.
  3. Hell i vodkaen og la alkoholen koke bort, om lag eitt minutt. Ver merksam, det kan sprute.
  4. Rør inn tomatpuréen og la han steikje med i eitt minutt. Hell i fløyta, smak til med salt og la sausen koke i minst 5 minutt.
  5. Kok pastaen i lettsalta vatn, sil av og vend han inn i sausen.
  6. Rør inn Stavsfjell og smak til med salt og pepar. Legg kyllingen på toppen og strø over persille eller basilikum.

Tips

Spar litt Stavsfjell til å rive over rett før servering.

Varene i oppskrifta

Fleire oppskrifter

Ring ossVegbeskriving
Pasta alla vodka med Stavsfjell 2 år | Lega Ysteri og Bakeri