Vårt bakeri
Tradisjonelt handverk kvar einaste dag
Tradisjon og kvalitet
I vårt bakeri held me liv i dei gamle handverkstradisjonane. Me lagar flatbrød, kling og anna tradisjonell norsk bakst slik det har vorte gjort i generasjonar. Kvar dag startar med fersk deig og ein stoltheit over å ta vare på det gamle handverket.
Takkesteikte pizzabotnar
Pizzabotnane våre er laga med respekt for tradisjon og ekte handverk. Dei blir steikte på takke. Takka gir pizzabotnane ein særprega stil, ein kjempe god tynn pizzabotn med både norsk og italiensk preg. Når pizzabotnane er ferdig steikte, brukar me dei ferske botnane i kafeen på Lega. Resten legg me til tørk i 24 timar. Denne prosessen gjer at pizzabotnane held seg i opptil 8 månader, utan at det går utover kvalitet eller smak. Pizzabotnane blir pakka 4 og 4 i kvar pakke, og me sender dei ut til kundar over heile Noreg – slik at fleire kan få oppleve smaken av takkebakst, uansett kvar dei bur.
Mysebrau og ølbrau
Mysebrau er eit grovt frattbrau som blir baka med myse, eit restprodukt frå ysting, og gir eit mildt, litt syrleg brau med god smak og sprø konsistens. Ølbrau er eit ljost, salt flattbrau nesten litt meir som snacks.
Tradisjonell kling
Klingen vår er tradisjonell for Vest-Telemark. Ho er mjuk og fyldig, og godt fylt med smør og sukker. Dette gir ei saftig kling med søt og mild smak. Klingen blir steikt på takke, noko som gir jamn steiking og rett konsistens. Ho passar godt som kaffimat, til servering i kafeen eller som noko godt til spesielle høve.
Fersk bakst kvar dag
Forutan dei tradisjonelle produkta lagar me pizzabotn, brød og anna fersk bakst dagleg. Alt er laga med omsorg, tålmod og dei beste råvarene. Hos oss finn du smaken av ekte handverk.