Brau
Brau frå Lega kan du få i 3 ulike variantar. Passar til middag eller sodd (knust brau med mjølk og sukker), og du kan maule det til alt. Brau held seg godt i seks månader. Alt brauet frå Lega vert steikt på takke. Det er handlaga, noko som kan gje litt variasjon i steiking og utforming, men me sel etter vekt.
Mysebrau
Denne brautypa er utvikla fordi me ville nytte mysa etter ystinga slik det vart gjort i gamal tid. Mysa er elles eit avfall. Me brukar òg ulikt mjøl frå Kvelde Mølle, ihop med emmer og sesamfrø.
Saltbrau / Ølbrau
Dette brauet er også baka på mjøl frå Kvelde Mølle og er salta utanpå. Bryt det i bitar og du har perfekt snacks til godt drikke.
Meskebrau
Brauet bakast som vanleg, men det grove mjølet er bytta ut med mesk. Mesk er eit avfallsprodukt etter ølbrygging, og kjem frå Lindheim Ølkompani på Gvarv. Den me brukar kjem frå kveiteølet som gjev ein fyldig smak.