Om sommaren flyt geitene opp til støylen Nedre Lega. Her på 930 meters høgd over havet er er det saftig og godt fjellbeite. Det har vore drive støylsdrift lenge på Lega, truleg i fleire hundre år. På 1800-talet var det folk frå dei midtre Telemarksbygdene, som var eigarar av beitet, og drog hit opp med krøtera sine sommarstid. Sidan gjekk eigedomen i handlar fleire gonger og høyrer no til Raundalen. Lega ligg fritt og solrikt til opp mot Skinnuten og Solbjørfjellet. Utsynet mot fjella ikring er storfelt, med den ruvande Vehuskjeringi som eit kjenneleg landemerke i vest. Her inne finn ein au den gamle støylsgrenda Brannkvålen, rik på segner og folkeminne.